張國柱促以行政措施撤生果金離港限制
對於法庭裁定在生果金離港限制司法覆核案中，申請人敗訴，立法會社福界議員張國柱相信，法庭是考慮到在生果金的制度下，已有「廣東計劃」，所以作出這項裁決。但他認為，不是所有長者都受惠於有關計劃，如果政府是體察民情，可以用行政措施去處理，豁免長者的離港限制，相信會對長者提供好大的幫助。
香港電台 14-5-2012
欲選超級區會 劉江華呻拉票難
【明報專訊】今年立法會選舉每個選民會有兩票，一票投直選，一票係新增嘅超級區議會，或者傳統功能組別，不過政府都無乜特別宣傳，好大機會參選超級區議會嘅劉江華噚日就呻話要宣傳都好難，佢話過去只講一人兩票，擔心市民都唔知兩票代表乜嘢，支持者隨時喺直選投咗兩人，咁就變廢票喇。 憂選民直選投兩人變廢票 噚日立法會通過有關9月選舉嘅雜項修訂，比較特別嘅，係超級區議會候選人票號，將會係801、802咁樣餘此類推，所以佢哋到時宣傳，若有直選同超級議席，就會有叫人哋投1號加801號等等嘅組合。劉江華話，政府諗過用英文字母，但係佢哋落區諮詢，發現唔識英文嘅選民好易唔明，亦影響佢哋拉票。 明報 10-5-2012
留言
張貼留言