李卓人形容陳冉入政府是「種官」
對於候任行政長官辦公室聘用並非香港永久居民的陳冉，擔任項目主任，工黨主席李卓人在本台節目說，陳冉承認曾為共青團成員，他認為是梁振英或中聯辦要向港人傳達訊息，預告會有更多內地人來港出任政府職位，他形容這種行為是「種人」。
公民黨黨魁梁家傑擔心這類情況會常規化，公務員有憂慮合情合理。不過行政會議成員劉江華則說，候任行政長官繼續由熟悉的班子，預備交接工作合理。
商業電台 23-4-2-12
欲選超級區會 劉江華呻拉票難
【明報專訊】今年立法會選舉每個選民會有兩票，一票投直選，一票係新增嘅超級區議會，或者傳統功能組別，不過政府都無乜特別宣傳，好大機會參選超級區議會嘅劉江華噚日就呻話要宣傳都好難，佢話過去只講一人兩票，擔心市民都唔知兩票代表乜嘢，支持者隨時喺直選投咗兩人，咁就變廢票喇。 憂選民直選投兩人變廢票 噚日立法會通過有關9月選舉嘅雜項修訂，比較特別嘅，係超級區議會候選人票號，將會係801、802咁樣餘此類推，所以佢哋到時宣傳，若有直選同超級議席，就會有叫人哋投1號加801號等等嘅組合。劉江華話，政府諗過用英文字母，但係佢哋落區諮詢，發現唔識英文嘅選民好易唔明，亦影響佢哋拉票。 明報 10-5-2012
留言
張貼留言